Bèrgwensa – Ataká bo mes

Sera
e wèpsait

Bèrgwensa – Ataká bo mes

Den parti 3 di Bergwensa bo ta mira kon tata di Oscar ta lucha ku e situashon. E ke hunga un ròl mas grandi den e famia, pero e no ta haña e oportunidat pa hasi esaki. Tambe e tin miedu ku su èks por stroba ku e tin kontakto ku su yu hòmber, ku e por usa esaki komo balor èkstra. Dor di esaki ta hopi difísil pa e buska kontakto ku su yu hòmber, di kua e ta sinti hopi falta.

Nos a puntra e Konseho di Tutela i Akseso kon ta persibí e ròl di un tata den un famia. Nan ta haña nan mes ku frekuensia konfrontá ku situashon den kua e hòmber ta sinti su mes pegá den un famia. E ke hasi bon pa su famia, e ke hasi kos diferente for di e manera ku e mes a lanta, pero e ta sinti ku e no por logra esaki. I despues e ta sinti su mes pegá den e kerensia ku no ta sufisiente.

Rudshain Djinga, maatschappelijk werker bij Akseso;
Un reakshon ku nos ta wak ku hopi frekuensia serka famia ora ku ta tira hopi kos na kara di otro, ku e hòmber den e famia finalmente ta hala atras. Dor di pleitamentu, tira kos na kara di otro, esaki ta afektá sintimentu di dignidat. Sosialmente, ta spera ku hende hòmber ta para stret, ku e ta fuerte i ku e ta e lider di e famia. Si no por kumpli ku e espektativa aki, frekuentemente desepshon lo sigui. No ta semper simpel pa papia bon ku otro i ta honesto tokante bo sintimentu. Den hopi kaso esaki ta abilidat ku no semper a ser duná na hòmber den kas di famia. Rudshain Djinga, trahadó sosial di Akseso.

Femke Franckaert, investigadó di konseho pa Konseho di Tutela;
Ora famianan hasi petishon pa yudansa serka nos, nos ta trata di trese un balansa den e famia. Dor di mira e problemanan huntu i konsehá yudansa. Hopi hende hòmber ta desempeñá un ròl den famia, pero e no sa kon pa hasi esaki. E ta sinti su mes pegá i ta ataká su mes. E no ta sinti su mes balorá, desepshoná den su mes i e ta kai den un abismo.

Den kaso di kualke forma di violensia òf sospecha di violensia, bo por tuma kontakto ku Guiami, e konseho i punto di notifikashon di violensia doméstiko i maltrato di mucha
Telefòn. 0802 0802
www.meldpuntguiami.com

×

YAMA: 0802 – 0802

Òf chat ku un di nos kolaboradónan via WhatsApp.

× Raportá violensia