Maltrato di mucha

Tin diferente forma di maltrato di mucha, manera: 

Maltrato físiko
Ta papia di asuntu di maltrato físiko por ehèmpel ora un adulto ta dal un mucha regularmente.

Maltrato emoshonal òf mental
Ta papia di violensia emoshonal por ehèmpel ora un adulto regularmente ta zundra, humiá òf ta spanta e mucha deliberadamente.

Negligensia físiko
Ta papia di esaki ora e mucha no ta risibí e kuido i ku e tin mester. Pensa aki riba por ehèmpel un mucha ku no ta haña kuminda, òf no por drumi ningun kaminda.

Negligensia emoshonal òf mental
Un falta kontinuo di atenshon positivo pa e mucha tambe ta un forma di maltrato di mucha. T’asina ku kada mucha tin derechi riba amor, kalor, siguridat di mayor- òf mayornan di kriansa. Bou di negligensia emoshonal òf mental ta kai tambe muchanan ku ta testigu di violensia entre mayor- òf tutornan.

Abuso seksual
Mishimentu seksual ku un adulto ta obligá un mucha.
Por tin asuntu di maltrato deliberadamente, pero esaki no tur ora ta e kaso. Tin bia hende no por mas ku e responsabilidat pa kuida nan próhimo òf kliente. Den un situashon asina e komportashon por kue mal kaminda ku maltrato komo konsekuensia.

Maltrato di mucha ta sosodé hopi bia, pero e señalnan no ta tur ora mes evidente òf opvio manera un plèki blou.

Bo ta rekonosé un òf mas señal? Esei no ke men ku tin asuntu di maltrato di mucha. Pero ta bon pa ta alerta riba e señalnan i pa kolektá esakinan.

Kon ta rekonosé e mucha?

• Hopi bia e tin doló di barika, doló di kabes òf ta kai flou.
• Ta subi di peso òf nèt kontrali ta baha di peso.
• Ta mustra kansá.
• Ta malu hopi bia òf hopi largu.
• Tin kabei fis òf djentenan mal kuidá.
• Tin plèki blou, herida òf sikatris.
• Ta bisti paña i sapatu sushi òf kibrá.

Kon e mucha ta anda ku otronan?

• Ta biba den un ‘mundu di su mes’.
• Ke hopi atenshon òf tin miedu di ta su so.
• No ta hiba amigunan su kas.
• Tin miedu di sierto sitio- òf hendenan.
• No ke pa mishi kuné
• Ta kita kara ora di kontakto visual.

Den ki situashon e mucha ta resultá?

• (diripiente) e no por sigui ritmo (mas) di kompañeronan di su edat.
• Hopi bia ta yega skol lat òf te asta ta ousente.
• Ta hasi tareanan ku no ta apropiá pa su edat.
• Hopi bia ta su so.
• Tin hamber, no ta desayuná òf no ta trese lùnch.

Kon e mucha ta komportá su mes?

• Su tinu ta kita fásil.
• Ta demasiado okupá òf nèt kontrali ta demasiado trankil.
• Hopi bia ta ta bai kontra regla- òf adultonan.
• Hopi bia ta demasiado tempran òf ta keda kologá largu na skol.
• Ta bisa kosnan negativo di su mes, di otronan òf di mundu.
• Ta gusta imitá situashonnan violento òf seksual.
• Ta rabia lihé i e ora ei ta kuminsá dal, skòp òf morde.
• Ta hòrta òf ta kibra kos.
• Ta usa alkohòl òf droga.

Trato di e mucha

• Ta grita i zundra e mucha.
• Ta dal, skòp òf pusha e mucha si algu pasa.
• Ta tene e mucha hopi bia na kas.
• Ta keha di e mucha.
• No ta konsolá e mucha.
• Ta duna e mucha asina tantu regla ku e mag hasi tiki kos.
• Ta duna e mucha tarea ku no ta apropiá pa su edat.

Kon e adulto ta sinti su mes?

• E ta bisa ku e no por ku e mucha.
• Ta hasi komo sifuera no ta import’é kon ta bai ku e mucha.
• Ta bisa kosnan negativo di su mes, di otronan òf di mundu.

Kon ta bai den e famia?

• Tin tiki kontakto ku otronan òf otro famianan.
• Hopi bia tin pleitu na kas.
• Ta mèldu miembronan di e famia hopi bia malu òf nan ta malu.
• A muda hopi bia òf e famia ta muda frekuentemente.

Kon e adultonan ta anda ku otro?

• No ta kumpli ku palabrashonnan.
• Ta preferá di no papia ku maestro- òf guianan.
• Ta bai kontra konsehonan di skol òf otro organisashonnan.
• Hopi bia tin kontakto ku organisashonnan di ayudo.
• Kada bia ta bai otro dòkter òf hospital.
• Ta bisa no kontra ayudo médiko òf mental di e mucha.