Stop the Beating

Sera
e wèpsait

Djárason promé di desèmber pa 7 or di anochi e ta ‘online’! No pèrdè e presentashon spesial akí!

Klek riba e lenk akí pa sigui e obra teatral riba djárason promé di desèmber 7 or di anochi. Pa tur hende for di 16 aña.

Bo kier sa mas tokante di Archell i e presentashon?
Wak e ora ei su vidio: https://youtu.be/fXPrUQ1OVWs
òf bishitá su wèpsait: De Naakte Antilliaan – De website van archell!

Kampaña di konsientisashon tokante e tema bèrgwensa

Den kooperashon ku tur e demas instansianan di ayudo riba e isla, Guiami lo pidi atenshon pa e tópiko di violensia doméstiko i abuzo di mucha, ku bèrgwensa komo tema prinsipal durante un aña largu.

Pa duna inisio na e kampaña lo tin un aktuashon spesial ‘online’ di e artista i kontadó di kuenta kurasoleño, Archell Thompson. Archell mes a pasa den un situashon kaminda violensia doméstiko a hunga un ròl. E kier a hasi algu ku esei. E a konbertí su doló den un mishon; konta tokante kiko violensia ta hasi ku bo i kon pa para esaki. Manera e mes ta bisa: ‘Mi a pasa di mi kabes pa mi kurason’.

Stop the Beating

E presentashon ‘Stop The Beating’ tin komo meta pa inisiá kombersashon tokante abuzo di mucha. Kaminda hopi bia ta trata di e storia di e víktima, e aktuashon akí ta ilustrá tambe e banda di e malechor, ku e meta pa komprondé mihó e patronchi i struktura ku tin rònt di abuzo di mucha mihó. Ta asina so nos por kibra e sírkulo i tabúnan.

Den e presentashon por mira kon un tata i un yu muhé ta lucha ku diferente emoshon, diferensia di kultura i kon difísil e por ta pa un trahadó sosial penetrá tras di e porta prinsipal. Pero tambe kon fiel muchanan por ta ku nan mayornan, no opstante un situashon insigur na kas.

Archell Thompson i Jettie Medema a krea ‘Stop The Beating’. Archell a skirbié i dirigié, i e ta ser interpretá huntu ku Jalisah di 17 aña di edat.

×

YAMA: 0802 – 0802

Òf chat ku un di nos kolaboradónan via WhatsApp.

× Raportá violensia