Bèrgwensa – Hui

Sera
e wèpsait

Bèrgwensa – Hui

Kaminda den parti 1 Oscar a skohe pa ataká, bo ta mira den parti 2 ku e mama di Oscar ta skohe pa hui. E la skohe pa bai hasi hopi deporte pa asina e no tin mester di pensa riba su problemanan. Den e parti aki di e pelíkula, tambe ta sali na kla dikon Oscar ta tenta Vienne. Wak e parti 2 di Bèrgwensa.

Awor kiko ta bèrgwensa presis?

Bèrgwensa ta un mal sintimentu ku bo ta haña ora un suseso òf situashon bai kontra e norma- i balornan di bo òf e ambiente. E tin un efekto riba bo imágen i bo dignidat. Por ehèmpel dor ku bo ta haña ku bo no ta hopi bon anto dor ku bo ta pensa ku bo no ta importante.

Hopi bes e ta algu ku ta relashoná ku miedu di despresio òf e miedu di no wòrdu aseptá òf miedu di e konsekuensianan. E gravedat di e bèrgwensa i kon bo ta enfrentá esaki tambe tin di aber ku e kultura ku bo ta biba aden. Tambe, e situashon den kua bo ta por hunga un ròl si por ehèmpel bo ta dependé di un otro finansieramente, materialmente òf emoshonalmente.

Tambe e bèrgwensa por surgi si bo ta malechor òf víktima di violensia doméstiko. Violensia por ta físiko, emoshonal, seksual òf un kombinashon.

Bèrgwensa pa motibu ku bo a eksperensiá violensia, bèrgwensa pa motibu di miedu di rechaso, bèrgwensa pa motibu ku bo ta diferente, bèrgwensa pa motibu ku bo no sa kon sali di e situashon. Bèrgwensa pa motibu ku bo kièr a hasi esaki presis i otro manera i esaki no ta logra. Bèrgwensa di bo mes pa motibu ku bo ta haña ku bo no tin balor. Bèrgwensa tin diferente forma.

E modelo di Nathanson ta mustra:

model_nathanson_pap

Den kaso di kualke forma di violensia òf sospecha di violensia, bo por tuma kontakto ku Guiami, e konseho i punto di notifikashon di violensia doméstiko i maltrato infantil.

Telefòn. 0802 0802
www.meldpuntguiami.com

×

YAMA: 0802 – 0802

Òf chat ku un di nos kolaboradónan via WhatsApp.

× Raportá violensia